هلمند کې د ۵۰ تکواندو کارانو ترمنځ د تکواندو سيالۍ وشوې
د هلمند ولايت د بدني روزنې او ورزش آمريت او د تکواندو ملي فدراسيون په گډه همکارۍ د ياد ولايت په مرکز لښکرگاه ښار کې د فراه او هلمند ولایتونو د ۵۰ تکواندو کارانو ترمنځ د "هلمند سيند" په نوم د تکواندو ولايتي سيالۍ وشوې.
يادې سيالۍ، چې د تنکيو ځوانانو او ځوانانو په عمري کټگوريو کې ترسره شوې، په پايله کې د تنکيو ځوانانو په عمري کټگورۍ کې هلمند او د ځوانانو په عمري کټگورۍ کې بيا فراه لومړي مقامونه خپل کړل.
د ويلو وړ ده، چې دغو سیالیو يوه ورځ دوام وکړ او په پای کې غوره تکواندو کارانو ته مډالونه او ستاينليکونه ورکړل شول.
