په خوست کې د پنځو لوبډلو ترمنځ د فوټبال سیالۍ پای ته ورسېدې
د خوست ولایت په ملي اماني لوبغالي کې د پنځو لوبډلو ترمنځ د فوټبال چلنج کپ سیالۍ چې ۱۳ ورځې یې دوام وکړ، د شاهین کلب لوبډلې په بریا پای ته ورسېدې.
د دغو سیالیو پایلوبې ته د اسماعیل خېلو کاروان او شاهین کلب لوبډلې لار موندلې وه، چې په پایله کې شاهین کلب لوبډلې خپلې سیالې لوبډلې ته په یوه ګول ماتې ورکړه او بریا یې خپله کړه.
هېره دې نه وي چې د دغو سیالیو د پای مراسم د کپونو، مډالونو او ډالیو په ورکولو سره پای ته ورسېدل.
