پکتيکا؛ خوشامند ولسوالۍ کې د ۴۸ لوبډلو ترمنځ د واليبال سيالۍ پای ته ورسېدې
د پکتيکا ولايت د بدني روزنې او ورزش آمريت اړوند د واليبال فدراسيون د استازولۍ له لوري د ياد ولايت په خوشامند ولسوالۍ کې د ۴۸ لوبډلو ترمنځ د واليبال سيالۍ، چې ۱۲ ورځې مخکې پيل شوې وې د یحی خېلو لوبډلې په اتلولۍ پای ته ورسېدې.
د يادو سیالیو په پايلوبه کې یحی خېل لوبډلې خپلې سيالې غازي مامور خېل لوبډلې ته د ۲ پر ۱ ميدانونو په توپير ماتې ورکړه او اتلولي يې په خپل نوم کړه.
د ويلو وړ ده، چې د دغو سياليو موخه ورزش ته د ځوانانو هڅول او ترمنځ يې يووالی وو.
