پکتيکا؛ زيړوک ولسوالۍ کې د ۴۰ لوبډلو ترمنځ د ټېپ بال کرکټ سيالۍ پای ته ورسېدې
د پکتیکا ولايت د بدني روزنې او ورزش آمريت اړوند د ټېپ بال کرکټ فدراسيون د استازولۍ له لوري د ياد ولايت په زيړوک ولسوالۍ کې د ۴۰ لوبډلو ترمنځ د ټېپ بال کرکټ سيالۍ، چې اته ورځې يې مخکې پيل شوې وې د نورولي لوبډلې په اتلولۍ پای ته ورسېدې.
د دغو سياليو پايلوبه د نورولي او عبدالله لوبډلو ترمنځ ترسره شوه، د لوبې پچه عبدالله لوبډلې وګټله او لومړی يې د توپ وهنې پریکړه وکړه، چې په ټاکلو ۱۲ اورونو کې يې د اووه لوبغاړو په سوځېدو سره سيالې لوبډلې ته د ۱۵۷ منډو هدف وټاکه، په مقابل کې نورولي لوبډلې ياد هدف په ۱۲م اور کې ترلاسه کړ او لوبه يې د دوو ویکټو په توپير وگټله.
.د يادو سياليو موخه د ځوانانو ترمنځ يووالی رامنځته کول او له نشه يي توکو څخه يې ليری والی وو.
