پکتیا؛ ګردېز ښار کې د څلورو لوبډلو ترمنځ د هاکي ټاکنیزې سیالۍ پای ته ورسېدې
د پکتیا ولایت د بدني روزنې او ورزش ریاست اړوند هاکي فدراسیون د استازولۍ له لوري د یاد ولایت په مرکز ګردېز ښار مرکزي جمنازیوم کې د څلورو لوبډلو ترمنځ د هاکي ټاکنیزې سیالۍ د پکتیا ځوانانو لوبډلې په اتلولۍ پای ته ورسېدې.
د دغو سیالیو پایلوبه کې د پکتیا ځوانانو لوبډلې خپلې سیالې پکتیا K.K.R لوبډلې ته د ۱/۵ ګولونو په توپير ماتې ورکړه او اتلولي یې خپله کړه.
هېره دې نه وي چې د یادو سیالیو موخه د پکتیا ولایت لپاره د هاکي منتخبې لوبډلې ټاکل وو.
