پکتیا کې ۷۰۰ تنو ورزشکارانو ته د فکري روزنې اصلاحي سیمینار پیل شو
د المپیک، بدني روزنې او ورزش عمومي ریاست اړوند د دعوت او ارشاد ریاست له لوري د پکتیا ولایت په مرکز کې د بېلابېلو فدراسیونونو ۷۰۰ ورزشکارانو ته د فکري روزنې دوه ورځینی اصلاحي سیمینار پیل شو.
دغه سیمینار د دعوت او ارشاد رياست د مدرس مولوي محمد ابراهیم " سعادت " له لوري وړاندې کېږي، چې پکې به ورزشکارانو ته په اسلام کې د ورزش د اهمیت، د ورزشکارانو په فکري روزنې او د ورزش د شرعي اصولو اړوند بشپړ معلومات ورکړل شي.
د يادونې وړ ده، چې دوې اوونۍ مخکې لغمان ولايت کې ۲۰۰ ورزشکارانو ته ورته دوه ورځينی اصلاحي سمينار ورکړل شوی و.
