پکتیکا؛ مرکز ښرنه کې د ٣٧ لوبډلو ترمنځ د ټېپ بال کرېکټ سیالۍ پای ته ورسېدې
د پکتیکا ولایت د بدني روزنې او ورزش امریت اړوند د ټېپ بال کرېکټ فدراسیون د استازولۍ له لوري د ياد ولايت مرکز ښرنه کې د ٣٧ لوبډلو ترمنځ د ټېپ بال کرېکټ سیالۍ د چکان لوبډلې په اتلولي پای ته ورسېدې.
د یادو سیالیو پایلوبه د سرې کلا او چکان لوبډلو ترمنځ ترسره شوه. د لوبې پچه چکان لوبډلې وګټله او لومړی یې توپ وهنه وکړه، چې په ټاکلو اوو اورونو کې یې خپلې سیالې لوبډلې ته د ٨٧ منډو هدف وټاکه. سرې کلا لوبډلې د هدف په تعقیب کې د نهو ویکټو په زیان ٨١ منډې منډې وکړې او لوبه یې د شپږو منډو په توپیر وبایلله.
دا سیالۍ له نشه يي توکو څخه د ځوانانو د لرې والي په موخه ترسره شوې، چې یوه اوونۍ یې دوام وکړ.
