پکتیکا کې د ۱۲ ورزشکارانو ترمنځ د ځغاستې سیالۍ ترسره شوې
د پکتیکا ولایت د بدني روزنې او ورزش ریاست له لوري د یاد ولایت په مرکز نیستیکوټ سیمه کې د ۱۲ ورزشکارانو ترمنځ د ځغاستې سیالۍ ترسره شوې.
دا سیالۍ په ۱۶ کیلو متره واټن کې ترسره شوې، چې په پایله کې یې ګلاجان لومړی، حاجي ګل دویم او جاوېد بیا درېیم مقام خپل کړ.
یادې سیالۍ له نشه يي توکو څخه د ځوانانو د لرې والي په موخه ترسره شوې، چې یوه ورځ یې دوام وکړ.
