کابل؛ استالف ولسوالۍ کې د ۱۲ لوبډلو ترمنځ د والیبال سیالۍ پای ته ورسېدې
د کابل ولایت د بدني روزنې او ورزش ریاست په همکارۍ د والیبال ملي فدراسیون له لوري د یاد ولایت په استالف ولسوالۍ کې د ازادۍ په نوم د ۱۲ لوبډلو د والیبال سیالۍ د استالف متحد لوبډلې په اتلولۍ پای ته ورسیدې.
د دغو سیالیو په پایلوبه کې استالف متحد لوبډلې خپلې سیالې استقلال لوبډلې ته د ۵/ ۲ میدانونو په توپير ماتې ورکړه او اتلولي یې خپله کړه.
د یادو سیالیو موخه په استالف کې د والیبال لوبو ته وده ورکول او والیبال ته د ځوانانو هڅول و، چې ۲۹ ورځې یې دوام وکړ.
