کابل کې د بهرنیو هېوادونو ۱۷ سېلانیانو ترمنځ په ماراتون سبک کې د ځغاستې سیالۍ ترسره شوې
د المپیک، بدني روزنې او ورزش عمومي ریاست اړوند د اتلتیک ملي فدراسیون په همغږۍ د یاد ریاست په غازي سټيډیوم کې له اتو بهرنیو هېوادونو د ۱۷ سېلانیانو ترمنځ په ٤٢.١٩٥ کیلو متري واټن کې د ځغاستې سیالۍ ترسره شوې.
دغه سیالۍ چې په ٤٢.١٩٥ کيلو متره واټن کې ترسره شوې، په پایله کې ټاکل شوی هدف له چین څخه يوشينګ ني په دوه ساعتونو او ۵۲ دقيقو کې، همدارنګه له چين څخه ايکونګ جي په درې ساعتونو او ۴۸ دقيقو کې او له پولنډ هېواد څخه بيا ارکډيوسز درې ساعتونو او ۵۳ دقيقو کې طی کړ او په ترتيب سره يې لومړی، دويم او درېيم مقام ترلاسه کړ.
د یادونې وړ ده چې په دغو سیالیو کې د پولنډ، چیک، چین، کاناډا، ډنمارک، جرمني، فرانسې او سینګاپور هېوادونو څخه سیلانیانو په ماراتون سبک کې ګډون کړی وو.
