کابل کې د ۳۲۰ ورزشکارانو ترمنځ د کابل ښار د ځوانانو د سوک وهنې ۲۳م پړاو ټاکنيزې سيالۍ پای ته ورسېدې

org2_admin
دوشنبه ۱۴۰۳/۱۱/۲۹ - ۱۴:۵۷
کابل کې د ۳۲۰ ورزشکارانو ترمنځ د کابل ښار د ځوانانو د سوک وهنې ۲۳م پړاو ټاکنيزې سيالۍ پای ته ورسېدې

د المپيک، بدني روزنې او ورزش عمومي رياست اړوند د سوک وهنې ملي فدراسيون له لوري د ياد رياست د سوک وهنې په مرکزي جمنازيوم کې د کابل ولايت له ۸۵ کلبونو څخه د ۳۲۰ ورزشکارانو ترمنځ د کابل ښار د ځوانانو د سوک وهنې ۲۳ پړاو ټاکنيزې سيالۍ پای ته ورسېدې.

د دغو سياليو د پای مراسمو کې د المپيک، بدني روزنې او سپورټ عمومي رياست فني او مسلکي مرستيال حافظ احمد جان ځدراڼ، د سوک وهنې ملي فدراسيون رييس قدير سلطاني، د ياد فدراسيون مسوولينو، د سوک وهنې ورزشکارانو او زيات شمېر مينوالو ګډون کړی وو.

دغه سيالۍ د ځوانو ورزشکارانو په عمري کټګورۍ او د ۴۸ کيلو ګرام څخه تر ۹۲ کيلو ګرام پوري په بېلابېلو وزني کټګوريو کې ترسره شوې، چې په پايله کې ۲۶ ورزشکاران د کابل ولايت د سوک وهنې د ځوانانو منتخبې لوبډلې ته وټاکل شول.

د يادو سياليو موخه د کابل ولايت د سوک وهنې د ځوانانو منتخبې لوبډلې ته د غوره ورزشکارانو موندل و، چې ۹ ورځې يې دوام وکړ.

د سياليو په پای کې ټاکل شوو ورزشکارانو ته مډالونه او ستاينليکونه ورکړل شول.

تازه خبرونه

دوشنبه ۱۴۰۵/۸/۲۵ - ۱۱:۸
Background image

کابل؛ د ساحلي فوټبال ملي لوبډله په اسيايي سياليو کې د ګډون په موخه تايلينډ ته روانه شوه

د المپيک بدني روزنې او ورزش عمومي رياست اړوند د فوټبال ملي فدراسیون د ساحلي فوټبال ملي لوبډله د ۲۰۲۶ اسيا جام سياليو کې د ګډون په موخه تايلينډ هېواد ته روانه شوه.

ياده لوبډله به د دې. . .

دوشنبه ۱۴۰۵/۸/۲۵ - ۱۱:۷
Background image

کابل؛ د ورزش ادارې کارکوونکو ته اوونیز اصلاحي بیان وشو

د المپيک، بدني روزنې او ورزش عمومي رياست اړوند د دعوت او ارشاد ریاست رئيس مفتي داد محمد بریال عطایي له لوري د یاد ریاست کارکوونکو ته د صداقت او اخلاص په اړه اصلاحي بيان وشو.

ښاغلي. . .

دوشنبه ۱۴۰۵/۸/۲۵ - ۱۱:۴
Background image

د شانګهای همکارۍ سازمان سیالیو کې افغان جودوکار عبدالبشیر قدیري کمبوډیایي سیال ته ماته ورکړه

د شانګهای د همکارۍ سازمان (SCO) په نړیوالو سیالیو کې افغان جودو کار عبدالبشیر قدیري په ۶۶ کیلو ګرام وزن کې د کمبوډیا هیواد سیال ته ماتې ورکړه او د برنزو مډال ګټونکی شو.

په دغو سیالیو. . .

BACK TO NEWS