کندز؛ په امام صاحب ولسوالۍ کې د ٦ لوبډلو ترمنځ د ټېپ بال کرکټ سیالۍ پای ته ورسیدې
د کندوز ولایت د بدني روزنې او ورزش رياست اړوند د ټېپ بال کرکټ فدراسيون د استازولۍ له لوري د ياد ولايت په امام صاحب ولسوالۍ کې د ۶ لوبډلو ترمنځ د ټېپ بال کرکټ سیالۍ د امو ځوانانو لوبډلې په اتلولۍ پای ته ورسیدې.
د دغو سياليو پايلوبه د امو ځوانانو او ذوالقرنين لوبډلو ترمنځ ترسره شوه، امو ځوانانو لوبډلې د پچې په ګټلو سره د توپ وهنې پرېکړه وکړه، چې په ټاکلو اتو اورونو کې د شپږو لوبغاړو په سوځېدو سره مقابلې لوبډلې ته د ۱۴۷ منډو هدف وټاکه. په ځواب کې د ذوالقرنين لوبډلې په ټولو اورونو کې ۸۵ منډې جوړې کړې او د ۶۱ منډو په توپير يې لوبه وبایلله.
د يادو سياليو موخه ورزش ته د ځوانانو هڅول و، چې يوه مياشت يې دوام وکړ.
د سياليو په پای لومړي مقام ګټونکي لوبډلي ته د حاجي روح الله ناظري له لوري يو پسه او ورزشي ډالۍ ورکړل شوې.
