کندز؛ ځواک لوبډلې د چهاردرې ولسوالۍ واليبال سياليو اتلولي وگټله
د کندز ولايت د بدني روزنې او ورزش رياست په همغږۍ، د واليبال فدراسيون د استازولۍ له لوري د چهاردرې ولسوالۍ اړوند شېرزاد ورزشي لوبغالي کې د ۶ لوبډلو ترمنځ د واليبال سيالۍ د ځواک لوبډلې په اتلولۍ پای ته ورسېدې.
د يادو سياليو پايلوبه کې ځواک لوبډلې خپلې سيالې آدم خان لوبډلې ته د ۲۱ پر ۱۵ امتيازونو په توپير ماتې ورکړه او اتلولي يې خپله کړه.
دا سيالۍ واليبال ورزش ته د ودې ورکولو په موخه وشوې او يوه ورځ يې دوام وکړ.
