کندز ؛ امام صاحب ولسوالۍ کې د ۱۰ لوبډلو ترمنځ د فوټبال سيالۍ پای ته ورسېدې
د کندز ولايت د بدني روزنې او ورزش رياست اړوند د امام صاحب ولسوالۍ ورزشي مديريت او د فوټبال ملي فدراسیون د استازولۍ له لوري د ياد ولايت د امام صاحب ولسوالۍ په باسوس شهرک کې د ۱۰ لوبډلو ترمنځ د فوټبال سيالۍ پای ته ورسېدې.
د دغو سياليو په پايلوبه کې خراسان باسوس لوبډلې په پنالټيو کې خپلې سيالې مراد شېخ لوبډلې ته د ۶/۵ ګولونو په توپير ماتې ورکړه او اتلولي يې خپله کړه.
د يادو سياليو موخه د ځوانانو په ذهن کې د سالمو کړنو انګېزه اچول او خلکو ته يوه سالمه تفرېح برابرول و.
