کندز کې د ۱۴ لوبډلو ترمنځ د فوټسال سيالۍ پای ته ورسېدې
د کندز ولايت د بدني روزنې او ورزش رياست اړوند د فوټبال ملي فدراسیون د استازولۍ له لوري د ياد ولايت په مرکز کې له ۱۶ کلنو کم عمره د ۱۴ لوبډلو ترمنځ د فوټسال سيالۍ، چې څو ورځې مخکې پیل شوې وې، پای ته ورسېدې.
د دغو سياليو په پايلوبه کې جوانان خراساني لوبډلې خپلې سیالې سعادت خصوصي لېسې لوبډلې ته د ۳/۱ ګولونو په توپير ماتې ورکړه او اتلولي يې خپله کړه.
د يادو سياليو موخه د نويو استعدادونو ملاتړ کول او هڅول و، د سياليو په پای کې غوره لوبډلې او لوبغاړو ته چمتو شوې ډالۍ او ستاينليکونه ورکړل شول.
