کندز کې ۸۰ چاپندازانو ترمنځ د وزلوبې سيالۍ وشوې
د کندز ولايت د بدني روزنې او ورزش رياست او د وزلوبې، نيزه وهنې او سيمه ييزو لوبو ملي فدراسيون په گډه همکارۍ د ياد ولايت په مرکزي وزلوبې لوبغالي کې د شمال ختيځ زون په کچه د ۸۰ چاپندازانو ترمنځ د وزلوبې سيالۍ وشوې.
د يادو سياليو په پايله کې يو اخراولاق اعلان شو، چې دغه اخراولاق ذبيح الله پهلوان د گل محمد رجب زاده په آس تر حلالې دایرې ورسوه او د سياليو گټونکی شو.
دا سيالۍ راتلونکو ملي سياليو لپاره د چاپندازانو د لا ښه چمتوالي او د دې ولايت وگړو لپاره د سالمې تفريح برابرولو په موخه وشوې، چې يوه ورځ يې دوام وکړ.
