نورستان کې د ټېپ بال کرېکټ لس اوریزه سیالۍ د وانټ لوبډلې په اتلولۍ پای ته ورسېدې
د نورستان ولایت د بدني روزنې او ورزش امریت اړوند د ټېپ بال کرېکټ فدراسیون د استازولۍ له لوري د یاد ولایت په وایګل ولسوالۍ کې د ۱۰ لوبډلو ترمنځ د ټېپ بال کرېکټ لس اوریزه سیالۍ د وانټ لوبډلې په اتلولۍ پای ته ورسېدې.
د دغو سیالیو په پایلوبه کې ژنجیګل لوبډلې خپلې سیالې وانټ لوبډلې ته د په ټاکلو لس اورونو کې ۱۱۳ منډو هدف وټاکه، په مقابل کې وانټ لوبډلې ټاکل شوی هدف په وروستي اور کې د شپږو لوبغاړو په سوځېدو سره پوره کړ او د یادو سیالیو اتلولي یې خپله کړه.
د یادو سیالیو موخه د کوچني اختر لمانځل و، چې څلور ورځې یې دوام وکړ.
