ننګرهار؛ مومندرې ولسوالۍ کې د شپږو لوبډلو ترمنځ د ټېپ بال کرکټ سیالۍ پای ته ورسیدې
د ننګرهار ولایت بدني روزنې او ورزش رياست اړوند د ټېپ بال کرکټ فدراسيون د استازولۍ له لوري ياد ولايت په مومندرې ولسوالۍ کې د شپږو لوبډلو ترمنځ د ټېپ بال کرکټ سیالۍ د ډکې مومند سټار لوبډلې په اتلولۍ پای ته ورسیدې.
د دغو سياليو پايلوبه د ډکې مومند او ډکې مومند سټار لوبډلو ترمنځ ترسره شوه، د ډکې مومند سټار لوبډلې د پچې په ګټلو سره د توپ وهنې پرېکړه وکړه، چې په ټاکلو لسو اورونو کې د اتو لوبغاړو په سوځېدو سره مقابلې لوبډلې ته د ۱۴۲ منډو هدف وټاکه. په ځواب کې د ډکې مومند لوبډلې د ټولو لوبغاړو په سوځېدو سره ۱۲۱ منډې جوړې کړې او د۲۰ منډو په توپير سره يې لوبه وبایلله.
د يادو سياليو موخه بيارغونه او له نظام څخه ملاتړ و، چې ۱۵ ورځې يې دوام وکړ.
