بغلان؛ نهرین ولسوالۍ کې د ۲۰ لوبډلو ترمنځ د فوټسال سیالۍ پيل شوې
د بغلان ولایت د بدني روزنې او ورزش امریت اړوند د فوټبال فدراسیون د استازولۍ له لوري د یاد ولایت په نهرین ولسوالۍ کې د نهرین باستان جام په نوم د فوټسال سیالۍ پيل شوې.
د دغو سیالیو په لومړۍ لوبه کې ارمان نهرین لوبډلې خپلې سیالې جوی کلان لوبډلې ته د ۸/۳ ګولونو په توپير ماتې ورکړه او لومړي بریا یې خپله کړه.
د یادو سیالیو موخه د فوټسال ورزش ته د ځوانانو هڅول دي، چې یوه میاشت به دوام وکړي.
