کندز؛ قلعه زال ولسوالۍ کې د اتو لوبډلو ترمنځ د واليبال سيالۍ وشوې
د کندز ولايت د بدني روزنې او ورزش رياست اړوند د واليبال فدراسيون د استازولۍ له لوري د قلعه زال ولسوالۍ په آق تپه غبردي سيمه کې د اتو لوبډلو ترمنځ د واليبال شپنۍ سيالۍ وشوې.
د دغو سیالیو په پايلوبه کې خان زاخېل لوبډلې خپلې سيالې شمس خان لوبډلې ته د ۱۶/۲۵ امتيازونو په توپير ماتې ورکړه او اتلولي يې وگټله.
د يادو سياليو موخه د يادې ولسوالۍ وگړو لپاره د يوې سالمې تفريح برابرول وو، چې يوه شپه يې دوام وکړ.
