پنجشېر کې د ۱۰۰ پهلوانانو ترمنځ د پهلوانۍ سیالۍ ترسره شوې
د پنجشېر ولایت د بدني روزنې او ورزش امریت اړوند د پهلوانانۍ ملي فدراسیون د استازولۍ له لوري په یاد ولایت کې د پروان، کاپیسا او پنجشېر ولایتونو د ۱۰۰ پهلوانانو ترمنځ د ځوانانو او لویانو ورزشکارانو په عمري کټګوریو کې د پهلوانۍ سیالۍ ترسره شوې، چې یوه ورځ یې دوام وکړ.
د دغو سیالیو په پایله کې د پنجشېر ولایت پهلوانانو د ۱۹۲ امتیازونو په ترلاسه کولو لومړی، کاپيسا ولایت پهلوانانو د ۵۸ امتیازونو په ترلاسه کولو دویم او د پروان ولایت پهلوانانو د ۵۰ امتیازونو په ترلاسه کولو سره بیا درېیم مقام خپل کړ.
د یادو سیالیو موخه د پهلوانانو ترمنځ یووالی رامنځته کول و؛ د سیالیو په پای کې غوره پهلوانانو ته چمتو شوې ډالۍ ورکړل شوې.
