پکتیا کې د ۳۴ ورزشکارانو ترمنځ د کيک بوکسينگ سیالۍ وشوې
د پکتیا ولايت د بدني روزنې او ورزش رياست اړوند د کيک بوکسينگ فدراسيون د استازولۍ له لوري د مرکز گردېز ښار حلیمي ورزشي کلب کې د ۳۴ ورزشکارانو ترمنځ د کيک بوکسينگ دوستانه سيالۍ وشوې.
دغه سيالۍ، چې د نويو ځوانانو، ځوانانو او لويانو ورزشکارانو په عمري کټگوريو کې ترسره شوې، په پايله کې ۱۷ تنو خپلو سيالانو ته په ماتې ورکولو سره برياوې خپلې کړې او د چمتو شويو ډاليو گټونکي شول.
دا سیالۍ د کيک بوکسينگ راتلونکو ټاکنیزو سیالیو ته د غوره ورزشکارانو موندلو په موخه وشوې، چې یوه ورځ یې دوام وکړ.
