بغلان کې د ۸۰ ورزشکارانو ترمنځ د رزمي لوبو توان سبک سیالۍ ترسره شوې
د بغلان ولایت د بدني روزنې او ورزش امریت اړوند د رزمي لوبو ملي فدراسیون د استازولۍ له لوري د یاد ولایت په نهرین ولسوالۍ کې د کابل، بلخ، کندز او بغلان ولایتونو د ۸۰ ورزشکارانو ترمنځ په بېلا بېلو وزنونو کې د رزمي لوبو توان سبک سیالۍ ترسره شوې، چې یوه ورځ یې دوام وکړ.
د دغو سیالیو په پایله کې بغلان ولایت ورزشکارانو لومړی، کندز ولایت ورزشکارانو دویم او بلخ ولایت ورزشکارانو بیا درېیم مقام خپل کړ.
د یادو سیالیو موخه رزمي لوبو ته وده ورکول او د ځوانانو هڅول و؛ د سیالیو په پای کې غوره ورزشکارانو ته چمتو شوې ډالۍ ورکړل شوې.
