دایکندي؛ پاتو ولسوالۍ کې د ۲۸ ورزشکارانو ترمنځ د ځغاستې سيالۍ ترسره شوې
د دايکندي ولايت د بدني روزنې او ورزش امريت اړوند د ځغاستې ملي فدراسیون د استازولۍ له لوري د ياد ولايت په پاتو ولسوالۍ کې د نويو ځوانانو په عمري کټګوريو کې د ځغاستې سيالۍ ترسره شوې، چې يوه ورځ يې دوام وکړ.
د دغو سياليو په پايله کې حیات الله لومړی او محمد علي بيا دويم مقام خپل کړ.
د يادو سياليو موخه په پاتو ولسوالۍ کې د ځوانانو ترمنځ د ځغاستې ورزش ته وده ورکول و. د سياليو په پای کې غوره ورزشکارانو ته چمتو شوې ډالۍ ورکړل شوې.
