کندز؛ دشت ارچي ولسوالۍ کې د څلورو لوبډلو ترمنځ د فوټسال سيالۍ پای ته ورسېدې
د کندز ولايت د بدني روزنې او ورزش رياست اړوند د فوټبال فدراسيون د استازولۍ له لوري د ياد ولايت په دشت ارچي ولسوالۍ کې د څلورو لوبډلو ترمنځ د فوټسال سيالۍ، چې يوه شپه او ورځ يې دوام وکړ د تاجک قشلاق پيکان لوبډلې په اتلولۍ پای ته ورسېدې.
د دغو سياليو پايلوبه د تاجک قشلاق پيکان او ميهن دادسي لوبډلو ترمنځ ترسره شوه، چې په ټاکلي وخت سيالي مساوي پای ته ورسېده، خو په پنالټيانو کې تاجک قشلاق پيکان لوبډلې خپلې سيالې لوبډلې ته د ۳ پر ۲ گولونو په توپير ماتې ورکړه او اتلولي يې وگټله.
د يادو سياليو موخه ورزش ته د ځوانانو هڅول او ترمنځ يې يووالی رامنځته کول وو.
