ریاض؛ د ورزش ادارې عمومي رئیس مولوي احمد الله وثیق د سعودي عربستان د ورزش له وزیر سره ولیدل
د هیواد د ورزش ادارې عمومي رئیس مولوي احمد الله وثیق د اسلامي هیوادونو د پیوستون سیالیو په څنډه کې د سعودي عربستان د ورزش له وزیر امیر عبدالعزیز بن ترکي الفیصل سره ولیدل.
په دې لیدنه کې د سعودي عربستان د سپورټ وزیر عبدالعزیز بن ترکي الفیصل د افغانستان د ورزش له رهبري مننه وکړه او خوښي یې څرګنده کړه، چې له افغانستان څخه په غټ تعداد ورزشکارانو د اسلامي هیوادونو د پیوستون په سیالیو کې ګډون کړی دی. ښاغلي ترکي همداراز وویل، چې افغانستان د سعودي عربستان ورور هیواد دی او دوی به هڅه وکړي، چې د دواړو هیوادونو ترمنځ ورزشي اړیکې لا پیاوړې شي.
د دې لیدنې په پای کې ښاغلي مولوي احمد الله وثیق د سعودي عربستان د سپورټ له وزیر څخه د دوی د مېلمه پالنې په پار مننه وکړه او په راتلونکې کې یې د لا همکاریو لپاره هیله څرګنده کړه.
