بغلان؛ برکه ولسوالۍ کې د ۶۰ کورشکارانو ترمنځ د کورش سيالۍ وشوې
د بغلان ولايت د بدني روزنې او ورزش امريت اړوند د کورش ملي فدراسيون د استازولۍ له لوري د ياد ولايت په برکه ولسوالۍ کې د ۶۰ کورشکارانو ترمنځ د کورش سيالۍ ترسره شوې.
دغه سيالۍ په بېلابېلو کټګوريو کې ترسره شوې، چې په پايله ۳۰ کورشکارانو خپلو سيالانو ته په ماتې ورکولو سره برياوې او د اتلولۍ مقامونه خپل کړل.
د يادو سياليو موخه د کورش ورزش ته وده ورکول او د ځوانانو هڅول و، چې يوه ورځ يې دوام وکړ.
