زابل؛ شينکۍ ولسوالۍ کې د ۷۰ غېږ نيونکو ترمنځ د غېږ نيونې سيالۍ وشوې
د زابل ولايت د بدني روزنې او ورزش آمريت په همغږۍ، د ملي او دوديزو لوبو مدیریت له لوري د ياد ولايت په شينکۍ ولسوالۍ کې د ۷۰ غېږ نيونکو ترمنځ د غېږ نيونې سيالۍ وشوې.
دا سيالۍ د شينکۍ ولسوالۍ او د مرکز اړوند ترنک د سيمې غېږ نيونکو ترمنځ ترسره شوې، چې په پايله کې د شينکۍ ولسوالۍ غېږ نيونکو په بریا پای ته ورسېدې.
د يادو سياليو موخه ملي او دوديزو لوبو ته د وده ورکول او د خلکو لپاره د سالمې تفريح برابرول وو، چې يوه ورځ يې دوام وکړ.
