د ورزش ادارې عمومي رئیس او ورسره مل پلاوو د محمد حامد میوند د فاتحې په مراسمو کې ګډون وکړ
د ورزش ادارې عمومي رییس مولوي احمد الله وثیق، د دغې ادارې فني او مسلکي مرستیال حافظ احمد جان ځدراڼ، د المپیکي چارو رئیس داد محمد پاینده اختری، د فوټبال ملي فډراسیون رئیس محمد یوسف کارګر او نورور مسولینو د فوټبال فډراسیون د تخنیک ډایرکټر محمد حامد میوند د فاتحې او غمشریکی په مراسمو کې ګډون وکړ. دغه مراسم په فوټبال ملي فدراسیون کې نیول شوي وو.
د غم شریکي په دغو مراسمو کې ښاغلي وثیق وویل« محمد حامد میوند یو نېک او پرهېزګار انسان و، تل به په جومات کې تر ټولو وړاندې موجود و، د نوموړي په مړینه له زړه خواشینی یم. الله تعالی دې ورته جنتونه نصیب کړي. کورنۍ ته یې ډاډ ورکوم، چې هغه یو نېک مسلمان و او ټول یې په ښه نوم یادوي دا د ده د کورنۍ لپاره ستر اعزاز دی. د ورزش اداره به د ده له کورنۍ او اولاد سره تل همکاره وي او د زامنو د تعلیم او روزنې په برخه کې به یې بشپړه همکاري وکړي.
مرحوم محمد حامد میوند د فوټبال فدراسیون د تخنیک ډایرکټر، د لوبغاړو او روزونکو استاد، صادق او متعهد شخص و چې د فوټبال په فدراسیون کې به د یو نه ستړي کیدونکي شخص په صفت تل د لوبغاړو، روزونکو او مسولینو په یاد وي.
