پکتیکا کې د لسو لوبډلو ترمنځ د فوتبال سیالۍ پای ته ورسېدې
د پکتیکا ولایت د بدني روزنې او ورزش آمریت له لوري د یاد ولایت مرکز ښرنه کې د لسو لوبډلو ترمنځ د فوټبال سیالۍ د ایلیون سټارز لوبډلې په اتلولي پای ته ورسېدې.
د یادو سیاليو پایلوبه کې ایلیون سټارز لوبډلې د یو پر صفر ګول په توپیر خپلې سیالې میوند لوبډلې ته ماتې ورکړه او اتلولي یې وګټله.
دا سیالۍ د ځوانانو لپاره د سالمې تفرېح برابرولو په موخه ترسره شوې، چې ۱۶ ورځې یې دوام وکړ.
