پکتیکا؛ ارګون ولسوالۍ کې د څلورو لوبډلو ترمنځ د فوټبال سیالۍ پای ته ورسېدې
د پکتیکا ولایت د بدني روزنې او ورزش آمریت له لوري د یاد ولایت په ارګون ولسوالۍ کې د څلورو لوبډلو ترمنځ د فوټبال سیالۍ د ارګون بازان لوبډلې په اتلولي پای ته ورسېدې.
د یادو سیالیو پایلوبه کې ارګون بازان لوبډلې د ۳ پر صفر ګولونو په توپیر خپلې سیالې ارګون اتحاد لوبډلې ته ماتې ورکړه او اتلولي یې وګټله.
دا سیالۍ ورزش ته د ځوانانو هڅولو په موخه ترسره شوې، چې اته ورځې یې دوام وکړ.
