پکتيکا؛ زيړوک ولسوالۍ کې د واليبال سيالۍ پای ته ورسېدې
د پکتيکا ولايت د بدني روزنې او ورزش آمريت په همغږۍ، د واليبال فدراسيون د استازولۍ له لوري د زيړوک ولسوالۍ په ورژاڼه سيمه کې د ۲۰ لوبډلو ترمنځ د واليبال سيالۍ د نواز گل ځدراڼ لوبډلې په اتلولۍ پای ته ورسېدې.
د يادو سياليو په پايلوبه کې نواز گل ځدراڼ لوبډلې خپلې سيالې شنې ځدراڼ لوبډلې ته د ۲ پر ۱ ميدان په توپیر ماتې ورکړه او اتلولي يې وگټله.
دا سيالۍ د ځوانانو لپاره د سالمې تفريح برابرولو او په لرې پرتو سیمو کې ورزش ته د ودې ورکولو په موخه وشوې، چې ۸ ورځې يې دوام وکړ.
