سمنگان؛ دره صوف ولسوالۍ کې د رزمي لوبو او اسپورت سبک سيالۍ وشوې
د سمنګان ولايت د بدني روزنې او ورزش امريت اړوند د رزمي لوبو ملي فدراسيون د استازولۍ له لوري د ياد ولايت په دره صوف ولسوالۍ کې د ۴۴ ورزشکارانو ترمنځ د ځوانانو په عمري کټګورۍ کې د رزمي لوبو او اسپورت سبک سيالۍ وشوې.
دغه سيالۍ د تک فايټ په ډول ترسره شوې، چې پايله کې ۲۲ ورزشکارانو خپلو سيالانو ته په ماتې ورکولو سره برياوې او د اتلولۍ مقامونه خپل کړل.
د يادو سياليو موخه رزمي لوبو ته وده ورکول او د ځوانانو ترمنځ يووالی رامنځته کول و، چې يوه ورځ يې دوام وکړ.
