پکتيکا؛ ارگون ولسوالۍ کې د ۷۰ ورزشکارانو ترمنځ د توان سبک سيالۍ وشوې
د پکتيکا ولايت د بدني روزنې او ورزش آمريت په همغږۍ، د رزمي لوبو فدراسيون د استازولۍ له لوري د ياد ولايت په ارگون ولسوالۍ کې له بېلابېلو کلبونو ۷۰ ورزشکارانو ترمنځ د توان سبک سيالۍ وشوې.
د يادو سياليو په پايله کې کټواز کلب له ډېرو برياوو سره لومړی، ارگون ټاېگر کلب دويم او شرنې کلب بيا درېيم مقام خپل کړ.
دا سيالۍ د يادې ولسوالۍ په کچه د غوره ورزشکارانو موندلو او د ځوانانو لپاره د سالمې تفريح برابرولو په موخه وشوې او يوه ورځ يې دوام وکړ.
