کندز کې د ۱۳ ولايتونو ترمنځ د کېک بوکسينگ سيالۍ پای ته ورسېدې
د کندز ولايت د بدني روزنې او ورزش رياست او د کېک بوکسينگ ملي فدراسیون په گډه همکارۍ د ياد ولايت په مرکز کې د ۱۳ ولايتونو ۱۳۰ ورزشکارانو ترمنځ د ورزش د ودې او اوړي جام په نوم د کېک بوکسينگ "لوکېنگ او فول کانټاکټ" سبکونو سيالۍ پای ته ورسېدې.
په يادو سياليو کې د کابل په گډون له شمال او شمال ختيځ زون څخه ورزشکارانو په بېلابېلو عمري او وزني کټگوریو کې کې برخه اخيستې وه، چې په پايله کې يې کوربه کندز لومړی، بلخ دويم او تخار درېيم مقام خپل کړ.
د يادونې وړ ده، چې د کېک بوکسينگ ملي فدراسیون روزونکو له لوري د هېواد ۱۳ ولايتونو ورزشکارانو ته د په لوکېنگ او فول کانټاکټ سبکونو کې يو روزنيز سيمينار هم ورکړل شو.
