جوزجان؛ مرکز شبرغان ښار کې د ۶۰ ورزشکارانو ترمنځ د کي وان کيک بوکسينګ سيالۍ وشوې
د جوزجان ولايت د بدني روزنې او ورزش امريت اړوند د کيک بوکسينګ فدراسيون د استازولۍ له لوري د ياد ولايت په مرکز شبرغان ښار د ۶۰ ورزشکارانو ترمنځ د کي وان کيک بوکسينګ سيالۍ وشوې.
دغه سيالۍ د تک فايټ په ډول ترسره شوې، چې په کې د بلخ، سرپل او جوزجان ولايتونو ورزشکارانو ګډون کړی وو، چې په پايله کې ۳۰ ورزشکارانو خپلو سيالانو ته په ماتې ورکولو سره د اتلولۍ مقامونه خپل کړل او د ډاليو ګټونکي شول.
د يادو سياليو موخه کي وان کيک بوکسينګ ورزش ته وده ورکول، د غوره استعدادونو موندل او د ولايتونو ورزشکارانو ترمنځ اړيکې پياوړي کول و، چې يوه ورځ يې دوام وکړ.
