د هرات مرکز کې د ۱۴۸ ورزشکارانو ترمنځ د افغانستان جوجيتسو سيالۍ پای ته ورسېدې
د هرات ولايت د بدني روزنې او ورزش رياست په همغږۍ او د جوجيتسو ملي فدراسيون له لوري د ياد ولايت په مرکز کې د جوجيتسو ملي فدراسيون د رهبري په شتون کې د هېواد د ۱۰ ولايتونو د ۱۴۸ ورزشکارانو ترمنځ د جوجيتسو سيالۍ پای ته ورسېدې.
دغه سيالۍ په بېلابېلو کټګوريو کې ترسره شوې، چې په پايله کې فارياب لومړی، کابل دويم او هرات بيا درېيم مقام خپل کړ.
د يادو سياليو موخه د جوجيتسو ورزش ته وده ورکول او د غوره ورزشکارانو موندل و، چې درې ورځې يې دوام وکړ.
