ارزګان؛ مرکز ترینکوټ ښار کې د ۳۰ ورزشکارانو ترمنځ د بدن ښکلا سیالۍ ترسره شوې
د ارزګان ولایت د بدني روزنې او ورزش امریت اړوند د بدن ښکلا فدراسیون د استازولۍ له لوري د یاد ولایت مرکز ترینکوټ ښار کې د ۳۰ ورزشکارانو ترمنځ د بدن ښکلا سیالۍ ترسره شوې.
دغه سیالۍ د نویو ځوانانو، ځوانانو او لویانو په عمري کټګوریو کې ترسره شوې، چې په پايله کې یې د نویو ځوانانو په کټګوري کې محمد سلیم، د ځوانانو په کټګوري کې جانان او د لویانو په کټګوري کې ګلالي لومړي مقامونه ترلاسه کړل.
دا سیالۍ ورزش ته د ځوانانو د هڅولو په موخه ترسره شوې، چې یوه ورځ یې دوام وکړ.
