ارزګان؛ په دهراود ولسوالۍ کې د خپلواکۍ د ١٠٤ کاليزي په وياړ د ټېپ بال کرکټ دوولس اوريز ټورنمنټ پيل شو
د ارزګان ولایت د ورزش امريت په همغږۍ د ټېپ بال کرکټ فدراسیون له لوري په دهراود ولسوالۍ کې د خپلواکۍ د بيرته اخيستلو د ١٠٤ کاليزي په وياړ د ١٦ لوبډلو ترمنځ د ټېپ بال کرکټ ١٢ اوريز ټورنمنټ پيل شو.
د دې ټورنمنټ د پيل لوبه د اطرافي اتلانو او خپلواک اتلانو لوبډلو ترمنځ وشوه، چې د اطرافي اتلانو لوبډلې لومړى توپوهنه وکړه او په ټاکلو ١٢ اورونو کې يې خپلې سيالې لوبډلې ته د ٩٤منډو هدف ورکړ.
په مقابل کې د خپواک اتلانو لوبډلې ټاکل شوب هدف د لوبې په څلورم اور کې پوره کړ.
يادې سیالۍ به يوه مياشت دوام وکړي، چې موخه يې د خپلواکۍ د ١٠٤ کاليزي نمانځل او د ټېپ بال سياليو وده ده.
