ارزګان؛ په مرکز ترینکوټ کې د ۲۸ لوبډلو ترمنځ د ټېپ بال کرکټ سیالۍ پیل شوې
د ارزګان ولایت د بدني روزنې او ورزش امریت او ټېپ بال فدراسیون له لوري د یاد ولایت په مرکز ترینکوټ کې له نشه یي موادو سره د مبارزې په موخه د ۲۸ لوبډلو ترمنځ د ټېپ بال کرکټ ۱۲ اوریزې سیالۍ پیل شوې.
د دغو سیالیو لومړۍ لوبه د ګولډن سټار او شیر افغان لوبډلو ترمنځ ترسره شوه، د لوبې لومړۍ پاڼۍ ګولډن سټار لوبډلې ولوبوله او ټاکلو ۱۲ اورنو کې یې سیالې لوبډلې ته ۲۱۸ منډې هدف کېښود، بل لوري ته شېر افغان لوبډله د یاد هدف په پوره کولو کې پاتې راغله او په ۷۲ منډو یې سیالې لوبډلې ته ماتې ومنله.
هېره دې نه وي چې دغه سیالۍ په ۴۵ ورځې دوام وکړي .
