ارزګان؛ په ګیزاب ولسوالۍ کې د شپږو لوبډلو ترمنځ د فوټبال سیالۍ پیل سوې.
د ارزګان ولایت د بدني روزنې او ورزش امریت اړونډ د فوټبال ملي فدراسیون د استازولۍ له لوري د ياد ولايت په ګیزاب ولسوالۍ کې د شپږو لوبډلو ترمنځ د يووالي په نوم د فوټبال ګروپي سيالۍ د ګيزاب اتلانو لوبډلې په بريا سره پيل شوې.
د دغو سياليو په لومړۍ لوبه کې ګيزاب اتلانو لوبډلې خپلې سیالې اتحاد لوبډلې ته د ۳/۰ ګولونو په توپير سره ماتې ورکړه او بريايې وګټله.
د ياد سياليو موخه د ورزشکارانو ترمنځ د يووالي رامنځته کول دي، چې ۱۰ ورځې به دوام وکړي.
