افغان تکواندو کار د اسلامي هېوادونو د پيوستون سياليو کې د سپينو زرو مډال وګاټه
د اسلامي هېوادونو د پيوستون ۶پړاو سياليو کې افغان تکواندو کار محسن رضایي په منفي ۶۰ کيلوګرامه وزن کې پرلپسې ازبکستاني،عربستاني او ازربايجاني سيالانو ته ماته ورکړه او د سپينو زرو مډال ګټونکی شو.
محسن رضايي به څو ساعته وروسته له ايراني سيال سره د سرو زرو مډال پر سر د سيالۍ ډګر ته ښکته شي.
د دغو سياليو په تکواندو برخه کې د افغانستان په استازولۍ پنځه ورزشکاران او درې پلاوي ګډون لري.
د اسلامي هېوادونو د پيوستون ۶م پړاو سيالۍ د سعودي عربستان په کوربهتوب په پلازمېنه رياض ښار کې د ۵۷ اسلامي هېوادونو په ګډون په ۲۳ ورزشي رشتو کې د روانې ميلادي مياشتې پر ۷مه پيل شوي او ۲۱مې به دوام وکړي.
