ایران؛ د ایران د ملي ورزشي اتلانو سازمان د افغانستان د ورزش ادارې استازی ستایلی
د ایران د ملي ورزشي اتلانو سازمان وړمه ورځ د خپلو ورزشي ملي اتلانو د ستاینغونډې پر مهال په ایران کې د مېشت افغان مهاجرو ورزشکارانو لپاره د افغانستان د ورزش ادارې نمائینده موسی خدادادي هم ستایلی دی.
یاد سازمان په ایران د افغان مهاجرو ورزشکارانو لپاره د افغانستان د ورزش ادارې د نمائینده موسی خدادادي ورزشي فعالیتونه ستایلي او تقدیر کړي دي.
په ایران کې د افغان مهاجرو ورزشکارانو لپاره د افغانستان د ورزش ادارې نمائینده موسی خدادادي هم په خپلو خبرو کې ویلي، چې دا به د افغانستان او ایران ترمنځ ورزشي اړیکې لا پیاوړې کړي او ورزش د هیوادونو ترمنځ د ښه ارتباط وسیله ده.
دا غونډه د ایران د پلازمېنې تهران د پارالمپیک په کمېټه کې جوړه شوې وه، چې د یاد هیواد ورزشي مسوولینو هم پکې ګډون کړی و.
