بادغیس؛ اریانا لوبډلې د والیبال سیالیو اتلولي خپله کړه
د بادغیس ولایت د بدني روزنې او ورزش امریت اړوند د والیبال فدراسیون د استازولۍ له لوري په یاد ولایت کې د اتو لوبډلو ترمنځ د والیبال سیالۍ د اریانا لوبډلې په اتلولۍ پای ته ورسېدې.
د دغو سیالیو په پایلوبه کې د اریانا لوبډلې خپلې سیالې حنظله لوبډلې ته د ۳/۲ امتیازونو په توپیر ماتې ورکړه او اتلولي یې خپله کړه.
د یادو سیالیو موخه لویدیځ زون سیالیو ته د غوره لوبغاړو موندل و، چې په پای کې د ورزش امریت له لوري غوره لوبډلې ته کپ، مډالونه، ډالۍ او ستاینلیکونه ورکړل شوه.
