بادغیس؛ قادس ولسوالۍ کې د ۱۰ لوبډلو ترمنځ د فوټبال سیالۍ پای ته ورسېدې
د بادغیس ولایت د بدني روزنې او ورزش امریت اړوند د فوټبال فدراسیون د استازولۍ له لوري د یاد ولایت په قادس ولسوالۍ کې د یووالي او دوستۍ جام په نوم د ۱۰ لوبډلو ترمنځ د فوټبال سیالۍ پای ته ورسېدې.
د دغو سیالیو په پایلوبه کې اتحاد لنګر شریف لوبډلې خپلې سیالې الفاروق غالچرخ لوبډلې ته د ۱/۰ ګولو په توپير ماتې ورکړه او اتلولي یې خپله کړه.
د یادو سیالیو موخه د فوټبال ورزش ته وده ورکول، ورزش ته د ځوانانو هڅوول او له نشه یي توکو د ځوانانو لېرې والی و، چې یوه نیمه میاشت یې دوام وکړ.
د سیالیو په پای کې د بادغیس ورزشي امریت له لوري غوره لوبډلې ته د اتلولۍ جام او غوره لوبغاړو ته بېلا بېلې ورزشي ډالۍ ورکړل شوې.
