بامیان؛ د درېیو ولایتو ۴۰ ورزشکارانو په ګډون د موی تای خزاني جام سیالۍ پای ته ورسېدې
د بامیان ولایت د ورزش امریت په همغږۍ د موی تای فدراسیون له لوري د کابل، میدان وردګ او بامیان ولایتونو د ۴۰ ورزشکارانو په کډون په روح الله نیکپا ورزشي جمنازیوم کې د موی تای خزاني جام سیالۍ د بامیان موی تای ورزشکارانو په ګټه پای ته ورسېدې.
په دې سیالیو کې د بامیانو د ورزش او فدراسیونونو مسوولینو، ورزشکارانو او د دې رشتې مینوالو شتون درلود.
په پای کې د بامیان موی تای کارانو لومړی، میدان وردګ دویم او کابل ولایت ورزشکارانو درېیم مقام ترلاسه کړ، چې غوره ورزشکارانو ته مډالونه او د اتلولۍ حکمونه ورکړل شول.
د دې سیالیو موخه د ګاونډیو ولایتونو ورزشکارانو ترمنځ د نیکو او ښو اړیکو رامنځته کول دي.
