بامیان؛ د والیبال خزاني ټورنمنټ د جاویدان لوبډلې په اتلولۍ سره پای ته ورسېد
د بامیانو ولایت د والیبال خزاني ټورنمنټ چې لس ورڅې وړاندې د ۱۳ لوبډلو په ګډون پیل شوی و د جاویدان لوبډلې په لومړي او میوند لوبدلې په دویم مقام ګټلو سره پای ته ورسېد.
د دغو سیالیو پایلوبه د جاویدان او میوند لوبډلو ترمنځ وشوه، چې د جاویدان لوبډلې د ۳-۱ میدانونو په توپیر خپل سیال ته ماتې ورکړه او د بامیانو والیبال ژمني ټورنمنټ اتلولي یې خپله کړه.
په پای کې اتلې لوبډلې ته د والیبال یو تن مینه وال قومندان قدرت له لوري ۵زره افغانۍ او دویم مقام ګټونکې لوبډلې ته هم نغدي جایزه او همداراز د بامیانو د ورزش ادراې له لوري کپونه او مډالونه ورکړل شول.
