بامیان؛ یکاولنګ نمبر یک ولسوالۍ کې د ۲۰ ورزشکارانو ترمنځ د تیږې اچونې سیالۍ ترسره شوې
د بامیانو ولایت د بدني روزنې او ورزش امریت اړوند د ملي او دودیزو لوبو فدراسیون د استازولۍ له لوري په یکاولنګ نمبر یک ولسوالۍ کې د ۲۰ ورزشکارانو ترمنځ د تیږې اچونې سیالۍ ترسره شوې.
د دغو سیالیو په پایله کې حسین لومړی، رحیم دویم او محمد درېیم مقام ترلاسه کړ.
د یادو سیالیو موخه د ملي او دودیزو لوبو بیا را ژوندي کول او وده ورکول و.
د سیالیو په پای کې د بامیانو ولایت ورزشي امریت له لوري غوره ورزشکارانو ته بوټان، برزو او بیکونه ورکړل شوه.
