بامیانو کې د اتو لوبډلو ترمنځ د والیبال سیالۍ پيل شوې
د بامیانو ولایت د بدني روزنې او ورزش امریت اړوند د والیبال ملي فدراسیون د استازولۍ له لوري د یاد ولایت په بند امیر ملي پارک کې د اتو لوبډلو ترمنځ د د والیبال سیالۍ پيل شوې.
د دغو سیالیو په لومړۍ لوبه کې بند امیر منتخبې لوبډلې خپلې سیالې بند امیر امید فردا لوبډلې ته د ۳/۰ میدانونو په توپير ماتې ورکړه او بریا یې خپله کړه.
د یادو سیالیو موخه د والیبال ورزش ته وده ورکول دي، چې یوه اوونۍ به دوام وکړي.
