بامیان ؛ مرکز کې د ۴۰ ورزشکارانو ترمنځ د ووشو ټاکنيزې سيالۍ ترسره شوې
د باميان ولايت د بدني روزنې او ورزش امريت اړوند د ووشو ملي فدراسيون د استازولۍ له لوري د ياد ولايت مرکز په روح الله نیکپا ورزشي جمنازيوم کې د ۴۰ ورزشکارانو ترمنځ د ووشو ټاکنيزې سيالۍ ترسره شوې.
دغه سيالۍ د نويو ځوانانو، ځوانانو او د مشرانو په عمري کټګوريو او بېلا بېلو وزني کټګوريو کې ترسره شوې، چې په پايله کې ۱۵ تنه ورزشکاران د باميان ولايت د ووشو منتخبې لوبډلې ته وټاکل شول.
د يادو سياليو موخه د باميان ولايت د ووشو منتخبې لوبډلې ته د غوره لوبغاړو موندل و.
د سياليو په پای کې غوره ورزشکارانو ته مډالونه او ستاينليکونه ورکړل شول.
